E rëndë/ Tenton të vetëvritet 19-vjeçarja në Elbasan, ndodhet në gjendje kritike për jetën

Një ngjarje e rëndë ka tronditur qytetin e Elbasanit mesditën e sotme. Bëhet me dije se një 19 -vjeçare ka tentuar të vetëhelmohet, por për fat të mirë është gjetur në kohë nga familjarët dhe është dërguar në spital. Bëhet me dije se për shkak të lëndës helmuese që ka konsumuar e reja ndodhet në gjendje kritike për jetën.

Ngjarja ka ndodhur në lagjen “5 Maji” të qytetit, por akoma nuk dihen shkaqet që e çuan vajzën të ndërmarrë këtë veprim ekstrem. Grupi hetimor vijon punën, me qëllim zbardhjen e rrethanave të ngjarjes.