Ka ndërruar jetë në spital, i mituri i cili u përplas nga furgoni në Shëngjin, teksa po kalonte rrugën.
Mesohet se, 6-vjeçari ka ndërruar jetë në spitalin e Lezhës pak minuta pas ngjarjes. Aksidenti ndodhi mëngjesin e sotëm në qendër të Shëngjinit, ku një mjet tip furgon përplasi fëmijën që po kalonte nga njëra anë e rrugës në tjetrën.
Fëmija u dërgua me urgjencë në spitalin e Lezhës, teksa policia shoqëroi drejtuesin.
Mësohet se fëmija ka qenë i shoqëruar me prindërit dhe në momentin që po kalonin rrugën është shkëputur nga duart. Sipas bluzave të bardha, fëmija ishte në gjendje të rëndë dhe nuk ka mundur të mbijetojë. I mituri nga Burreli, kishte ardhur me familjen që jetonte në Angli për pushime në Shëngjin.
