Një aksident i rëndë është shënuar pasditen e sotme në Portin e Durrësit. Ngjarja ka ndodhur rreth orës 14:30, në sheshin e kontenierëve dhe viktima është identiifkuar si R. G., 19 vjeç, punëtor ngarkim-shkarkimi, i cili për pasojë ka ndërruar jetë në spital.
Punëtori fatkeq është tërhequr zvarrë nga vinçi duke mos i dhënë asnjë shans për jetën.
Nga informacionet paraprake, ai ka ndërruar jetë në spitalin e Durrësit. Policia dhe grupi hetimor kanë mbërritur në vendin e ngjarjes.
Pritet gjithashtu të zbardhen detaje pas marrjes në pyetje të dëshmitarëve për këtë ngjarje të rëndë. Sakaq theksojmë se ky është aksidenti i dytë tragjik në punë, ku kanë humbur jetën dy persona. Rasti i parë u raportua para disa orësh në Kashar, ku një 57- vjeçar ka rënë nga lartësia e objektit në ndërtim e për pasojë ka humbur jetën në vend.
Theksojmë se dhjetëra punëtorë ndërtimi kanë humbur jetën si pasojë e mungesës së mjeteve për sigurinë në punë.
Discussion about this post