Një ngjarje e rëndë ka ndodhur në Thumanë, ku një 35 vjeçar punonjës në një fasoneri ka humbur jetën tragjikisht pasi është goditur nga një tranxhe.
Sipas informacioneve mësohet se i riu është prerë aksidentalisht nga një pajisje që ndodhej në një fasoneri në pronësi të një biznesmeni nga Kruja.
Sipas burimeve, aksidenti ka ndodhur teksa 35-vjeçari po spostonte tranxhën dhe kjo e fundit nga pesha e madhe ka rënë duke e zënë poshtë. Fasoneria është rreth 100 metra larg banesës së viktimës dhe është në pronësi të Alfred Kaleshës. Burime bëjnë të ditur se për aksidentin në punë nuk është njoftuar as nga qendra shëndetësore Fushë-Krujë dhe as spitali i Krujës dhe nuk dihet se nga kush i është dhënë ndihma e parë viktimës.
Fasoneria ka vetëm pak kohë që është hapur në zonën e Thumanës.
Taulant Dika ishte baba i dy fëmijëve.
Ndërkaq mësohet se në lidhje me këtë ngjarje janë marrë në pyetje disa nga administratorët e fasonerisë e cila prej gjashtë muajsh zhvillonte aktivitetin e saj në Krujë. Ndërkohë grupi hetimor vijon punën për zbardhjen e plotë të kësaj ngjarje.
Lexo edhe:
E zë poshtë makineria e fasonerisë/Arrestohet administratori pas vdekjes së 35-vjeçarit
Discussion about this post