Një tjetër aksident tragjik është shënuar ditën e sotme. Ngjarja ka ndodhur në fshatin Arrameras të Fushë-Krujës. Një autoveturë tip “Smart” me targë AA 062 TO ka dalë nga rruga duke përfunduar në shtratin e lumit Zezë.
Për pasojë ka humbur jetën i riu i identifikuar me emrin Mirjan Tema 20-vjeç banori i Larushkrut, i cili ishte pasagjer në mjetin tip “Smart”. Mjeti drejtohej nga moshatari i viktimës Haxhi Vraja, i cili është dërguar te Trauma në gjendje shoku. Shkak i aksidentit mësohet të jetë shpejtësia dhe një kthesë e fortë në rrugë.
Theksojmë se ky është aksidenti i tretë me vdekje në vend. Ku dy të parat u shënuan në Lushnjë, e për pasojë kanë humbur jetën dy persona. Policia pritet të dalë me një njoftim zyrtar për të zbardhur detaje nga vendi i ngjarjes.
Discussion about this post