Një ngjarje e rëndë ka ndodhur ditën e sotme në Prishtinë ku mësohet se një punëtor ka vdekur si pasojë e lëndimeve pasi dyshohet se ka rënë nga lartësia.
Lajmin për këtë ngjarje e ka konfirmuar zëdhënësja e policisë për rajonin e Prishtinës, Flora Ahmeti.
Sipas saj bëhet me dije se rasti ka ndodhur në rrugën “Dëshmorët e Gollakut”.
“Sot në stacionin policor Jugu, në Prishtinë, është iniciuar një rast Hetim mbi vdekje. Rasti ka ndodhë në rrugën Dëshmorët e Gollakut, ku viktima mashkull dyshohet se ka rënë nga një lartësi dhe ka pësuar lëndime. Viktima mashkull, nuk ka arrit të përballojë plagët dhe i njëjti në QKUK, ka ndërruar jetë”.
Gjithashtu, rasti po hetohet nga njësitet kompetente në koordinim me prokurorinë dhe Inspektoriatin e Punës.
Discussion about this post