Policia greke ka arrestuar një 27-vjeçar shqiptar mëngjesin e sotëm, pasi ka vrarë dhe ka djegur për së gjalli një të pastrehë në Chania të Kretës, Greqi.
Sipas mediave greke bëhet me dije se 27-vjeçari me origjinë shqiptare u arrestua nga policia, për vrasjen e një 53-vjeçari të pastrehë, të cili më pas ne dogj brenda një pallati të braktisur.
Mësohet se pas orës 11 të mëngjesit të ditës së sotme i riu u dërgua në Prokurorinë e Gjykatës Penale të Chania. Rasti i të riut nga Shqipëria po hetohet nga efektivët e nën drejtorisë së Sigurisë Chania.
Gjithashtu, ndaj 27-vjeçarit është ngritur padi për vrasje me mashtrim dhe zjarrvënie.
Nga ana tjetër, mësohet se shqiptari është arrestuar për armëmbajtje pa leje, pasi në kontrollin e shtëpisë së tij nga policia janë gjetur thika.
Së fundmi, nga hetimet policore dhe hetimet paraprake rezulton se emigranti shqiptar ka plagosur për vdekje me shufra hekuri 53-vjeçarin gjatë një konflikti mes tyre për një arsye të parëndësishme dhe më pas, kur in riu ka kuptuar se 53-vjeçari kishte vdekur, i vuri zjarrin pallatit të braktisur, duke menduar se në këtë mënyrë do fshinte gjurmët e krimit makabër.
Discussion about this post