Kancelari i gjykatës së Elbasanit ka pranuar të flasë pas 12 orësh lidhur me sulmin që iu bë mbrëmjen e djeshme ku u godit me levë në trup dhe në kokë nga dy persona.
Ledion Sulkuqi ka deklaruar se nuk i njeh personat që e dhunuan.
Ngjarja ka ndodhur rreth orës 22:30 minuta kur zyrtari u dhunua pasi kishte dalë nga një lokal dhe po shkonte në shtëpi.
Autorët të cilët dyshohet të kenë qenë dy, parkuan mbrëmjen e djeshme mjetin në hyrje të rrugës Egnatia. Më pas kanë vrapuar drejt 51-vjeçarit dhe kanë nisur ta godasin menjëherë me mjete të rënda në kokë dhe trup duke i lënë plagë të rënda.
Më pas ata janë larguar nga vendi i ngjarjes me makinë.
Policia ka sekuestruar kamerat e sigurisë në zonë dhe po punon për identifikimin e autorëve. Deri më tani nuk dihen arsyet se përse është dhunuar Sulkuqi, nëse kjo lidhet me funksionin e tij apo me ndonjë konflikt personal.
Policia është treguar e rezervuar në dhënien e detajeve duk deklaruar se po punon për identifikuar autorët dhe zbardhjen e shkaqeve të sulmit.
Discussion about this post