Qeveria vendosi sot të lirojë nga detyra e Prefektit të Qarkut Kukës, Ali Hallaçin. Vendimi është marrë në mbledhjen e Qeverisë. Në vend të Hallaçit është emëruar Albert Halilaj.
Hallaçi është një nga 4 emrat që socialistët kanë për të kandiduar si Kryebashkiak të Kukësit, në zgjedhjet e pjesshme që duhet të zhvillohen, pas largimit të Safet Gjicit.
Ndoshta vendimi për ta larguar si Prefekt ka lidhje pikjërisht me kandidimin e Hallaçit për kryebashkiak nën siglën e PS-së.
Zgjedhjet në Kukës nuk dihet se kur do të mbahen, pasi ende nga Qeveria nuk është shpallur vakanca dhe më pas data do të caktohet nga Presidenti i Republikës.
Discussion about this post