Vrasësi, Kasandër Noga ka qenë student i Akademisë së policisë dhe raportohet se pjesën më të madhe të krimeve i ka kryer gjatë kësaj periudhe. 44-vjeçari, i cili i bëri atentat në Belgjikë Erjon Hasanbelliut dhe u arratis për tu kapur ditën e sotme (14 qershor) në Vienë, mësohet se është përjashtuar nga Akademia e Policisë përpara se të diplomohej.
Studenti i Akademisë përshkruhej nga të gjithë si njeri problematik, gjakftohtë, por shumë inteligjent dhe njihej si personi që bënte ligjin në Qytet Studenti.
Ai u përjashtua në vitin e dytë të studimeve pasi pas një sherri në ambientet e shkollës plagosi me thikë një student nga Lushnja, me të cilën rezultoi të kishte dhe lidhje gjaku.
Vetëm 15 ditë më vonë ai kreu masakrën në spitalin e Sanatoriumit. Ai u fut brenda ambienteve të spitalit së bashku me Julian Çelën dhe hyri në dhomën ku ndodhej i shtruar babai i dy vëllezërve, Erion dhe Gerion Hysenbelliut, së bashku me Dritan Hajdinin (shoku i Geronit).
Kasandër Noga i hoqi serumin Aqif Hasanbelliut dhe Dritan Hajdinit dhe më pas i ekzekutoi.
Po ashtu ai akuzohet se në vitin 1999 ka bërë dy vrasje, të cilat u zbuluan në vitin 2003.
Kasandër Noga akuzohet për 5 vrasje (një prej të cilave fitoi pafajësi) dhe për disa plagosje.
Hakmarrja mes tyre
Fierakët janë përfshirë në një hakmarrje të gjatë, që zanafillën e ka jashtë kufijve të vendit, e cila më pas u zhvendos në Shqipëri, ku u shënua edhe masakra më e madhe, për t’u zhvendosur sërish në Belgjikë, mes Antverpit dhe Brukselit, vend në të cilin hasmit rrinë prej dy dekadash, veç kur i ka ndarë burgu.
Duke iu referuar historisë së hasmërisë mes tyre, ajo që bie në sy është fakti se të gjithë protagonistët e kësaj beteje të përgjakshme janë arrestuar, hetuar, gjykuar, dënuar dhe, edhe pse kanë mbi shpinë akuza të rënda, që nga trafiku i drogës e shfrytëzimi i prostitucionit e deri në vrasje të disafishta, ata sërish janë të lirë, janë sërish në një vend të njohur të BE-së dhe madje ndjekin sërish njëri-tjetrin për të larë “hesapet” e vjetra.
Gjykata ka dhënë vendimin burgim i përjetshëm për të dyja palët,por që iu është zbritur në 25 vjet dhe më pas kanë mundur të dalin të lirë, e madje edhe të kërkojnë zbritje dënimesh për kohë të largëta që s’kanë mundur dot të bëjnë kërkesa për përfitim uljeje për sjellje shembullore në burg.
Discussion about this post