E sigurt që Rama do të hyjë në historinë e Shqipërisë, por si hajdut!

Ajo që shqiptarët panë me zë e figurë në studion e Ylli Rakipit ditën e hënë në mbrëmje ishte skena klasike që paraqet fundin e pashmangshëm të autokratëve dhe diktatorëve.

Një Borat i ç’fazuar që në 99% të kohës televizive bëri megalomanin e shkëputur nga realiteti.

Foli për shqiptarë krenarë, në vend që të fliste për emigrantë që braktisin me dhimbje vendin.

Foli për pensionistë me pensione mesatare 400 apo 500 euro, në vend që të fliste për hallexhinjtë që nuk blejnë dot as ilaçet.

Foli për spitale dhe shkolla evropiane, në vend që të fliste për kalamajtë që dolën të fundit në Testin e Pizës. Etj., etj.

Në 10 minutat e fundit të emisionit, lëshoi edhe deklaratën që me siguri do të mbahet mend gjatë, “Unë jam këtu për të bërë historinë”!!! Edhe paraardhësi dhe bamirësi i vet politik po kaq megaloman dhe i papërgjegjshëm, Fatos Nano, nuk guxoi deri në këtë pikë. Ai u “mjaftua” që historia t’i vinte nga pas, ndërsa Borati sikundër Skënderbeu, Napoleoni, Çezari, etj., e “bën historinë”!!!

Borat!

E kam deklaruar me dhjetëra herë! Është e sigurt që ti do të hysh në historinë e Shqipërisë! Mos ki asnjë merak për këtë!

Do të hysh në histori si hajdut, si grabitës, si ortak narkotrafikantësh, si shërbëtor kriminelësh dhe si kone e oligarkëve!

Historia gjithmonë përsëritet dy herë, të parën si tragjedi dhe të dytën si komedi. Babai yt shpirtëror, Enveri, vrau, burgosi, persekutoi dhe shkatërroi shqiptarët 40 vjet. Ai hyri në histori si figura më e urryer në memorien e kombit.

Ti atë vend nuk e arrin dot!

Ti, pas 12 viteve tragjikomike në krye të shqiptarëve, do të largohesh për të përfunduar jo në librat e historisë, por në qelitë ku të presin Lali yt hajdut, Beqja yt i koncesioneve dhe antarët e tjerë të bandës tënde!

Ik, Borat! Aty ku ke vendin. Në koshin e plehrave të historisë…