E tërheq zvarrë, momenti kur 44-vjeçari i grabit me dhunë çantën një gruaje në Durrës (video)

Policia e Durrësit ka arrestuar një person, i cili akuzohet se i ka vjedhur me dhunë çantën një gruaje.

Në pranga është vënë shtetasi Ilir Biba, 44 vjeç, banues në Durrës, mbi të cilin rëndon akuza për veprën penale “Vjedhja me dhunë”.

Ngjarja ka ndodhur në rrugën “Mujo Ulqinaku” të qytetit bregdetar, ku siç shihet dhe nga pamjet filmike të kamera të sigurisë, Biba i ka tërhequr me forcë çantë gruas 54-vjeçare nga dora, duke e tërhequr dhe atë zvarrë duke e shtrirë në tokë.

Policia thotë se çanta e 54-vjeçares është sekuestruae në cilësinë e provës materiale.

Materialet procedurale i kaluan Prokurorisë së Durrësit për vperime të mëtejshme.