“E tërhoqën zvarrë dhe e lanë të vdesë maleve”, del autopsia e 3 terroristëve serbë

Instituti i Mjekësisë Ligjore ka përfunduar autopsinë e tre trupave të tre pjesëtarëve të grupit terrorist, të cilët u vranë gjatë një kundërsulmi që patën me Policinë e Kosovës të dielën e 24 shtatorit.

Drejtori i IML-së Ditor Haliti në një bisedë me KALLXO.com ka konfirmuar se tashmë ka përfunduar autopsia ndërsa raportet e tyre ende nuk janë finalizuar.

“Po ajo çka mund të them është se autopsia ka përfundu. Identifikimi kjo është çështje e prokurorisë. Raportet ende nuk janë përfunduar”, tha Haliti.

Trupat e Stefan Nedeljkoviq, Igor Millenkoviq dhe Bojan Mijailoviq janë dërguar në IML për t’iu kryer obduksioni.

Stefan Nedelkoviq, për shkak të shkëmbimit të zjarrit nga një kundërpërgjigje e Policisë se Kosovës fillimisht ishte plagosur e më pas ishte tërhequr zvarrë nga pjesa tjetër e grupit, për t’u lënë në malet e Banjskës.