Alma Qejvani është 44-vjeçarja që u vra mesditën e sotme në fshatin Kusarth të Elbasanit. Alma u qëllua për vdekje me sëpatë nga kunati i saj, Tefik Tashi, teksa ishte në rrugë.
Një nga fqinjet tregon që i ka dhënë ujë, njërës prej motrave. Ajo rrëfen që njëra ka qenë e mbuluar në gjak, ndërsa tjetra e shtrirë.
“Nuk e pashë krimin unë, dëgjova zhurmë, ajo gruaja kërkoi ujë, kërkoi ndihmë. Dola ia lashë ujin te porta, erdhi e mori vetë ajo. Nuk shkova atje afër. Kishte gjak nga surrati. Njëra ishte shtrirë. Njëra kishte gjak nga surrati, tjetra ishte shtrirë.
Këto janë vajza të mira, shikonin punën e tyre. Thjesht i çova ujë, nuk di gjë më shumë. Ishte gjakosur nga fytyra dhe i thashë eja merre vetë kovën, erdhi dhe e ia hodhi nga trupi.”- tregon fqinja.
Banorët e zonës tregojnë se dy motrat nuk dilnin shpesh dhe nuk është se kishin komunikim me fqinjët e tjerë.
Një nga zonjat e moshuara në fshat thotë që e ka thërritur komshia duke i thënë “ e theri e theri”.
“Unë isha këtu, Alma nuk bërtiti fare. E njihja si gocë lagjes, jo më shumë, se ata nuk dilnin.
Po më thoshte komshia “e theri, e theri”. Na tronditi, sa e mora vesh, gjynah gocë e re.
Kuanti ka qenë?! Ai e kishte bërë atë?! Ai qenka katil, ça qenka kjo kështu.
Almën e njihja si vajzë shumë të mirë, nuk dilnin shpesh. Nuk përziheshin. Nuk kemi dëgjuar ndonjëherë zhurma, as sherre. Unë tani kam ardhur, kurse të tjerët kanë qenë brenda në shtëpi.“- tha fqinja.
Discussion about this post