Kanë mbetur më pak se katër ditë nga mbyllja e merkatos dhe Real Madrid është duke pritur ende përgjigjen e PSG-së për ofertën prej 170 milionë euro plus 10 milionë nga bonuset për Kylian Mbappen.
Të martën në orën 12 të drekës tregu i transferimeve do të mbyllet dhe ‘Los Blancos’ nuk duan që ta shtyjnë më shumë afrimin e francezit.
Ndaj sipas ‘Le Parisien’ klubi i bardhë i ka lëshuar një ultimatum PSG -së në mënyrë që të pranojë ofertën për Mbappen deri të dielën, pra nesër.
Strategjia e Florentino Perez është të shpejtojë transferimin dhe për këtë arsye, ai i ka kërkuar klubit francez që të pranojë ofertën ose, nëse jo, do presë deri më 1 janar për të mbyllur nënshkrimin e Mbappe./Gijotina.com
