Një aksident i tmerrshëm ka ndodhur pak minuta më parë në Greqi, ku është përfshirë një familje shqiptare. Sipas të dhënave, familja shqiptare me katër anëtarë thuajse është shuar nga një aksident në Lamia të Greqisë.
Teksa ecte me shpejtësi tej normave të lejuara, makina e tyre tip “Toyota” është përplasur me një tanker karburanti duke u kthyer në një grusht hekurishtesh. Nga përplasja e rëndë makina është shkatërruar krejtësisht dhe si pasojë e plagëve të marra kanë ndërruar jetë në vend, burrë e grua, 46 dhe 43 vjeç si edhe vajza e tyre 22 vjeçe. Raportohet se është gjetur i gjallë vetëm djali 17-vjeçar, i cili gjithashtu është në gjendje kritike për jetën dhe menjëherë është dërguar drejt spitalit më të afërt.
Sakaq, policia ka shkuar në vendngjarje për të zbuluar më shumë detaje rreth shkaqeve të aksidentit që rezultoi fatal për këtë familje shqiptare.
Discussion about this post