“E treta e vërteta”, Kane duket tashmë më afër gjigandit gjerman

Misioni i Bayernit për blerjen e Harry Kane vazhdon. Kapiteni i Tottenham Hotspur është një prioritet për bavarezët që duan të mbyllin çështjen.

Për këtë arsye, përfaqësues të klubit do të jenë në Londër për t’u takuar nga afër me Daniel Levy për t’i paraqitur një propozim të ri.

Në veçanti, kjo pritet të kalojë 85 milionë euro, ndërkohë që do të parashikohen edhe bonuse krejtësisht të realizueshme.

Dëshira e Kane për t’u larguar e kombinuar me faktin se ai ka refuzuar një ofertë rinovimi e bën shitjen e tij një rrugë të njëanshme për Tottenham.

Sulmuesi anglez është nën kontratë deri në verën e ardhshme, kështu që për gjashtë muaj ai mund të bie dakord për një marrëveshje me cilindo klub që dëshiron.