Një vajzë 5-vjeçare, teksa i shpëtoi luftës në Ukrainë së bashku me familjen e saj duke ikur në Itali, ka humbur jetën tragjikisht pasi u përplas nga një makinë në “Cantorato”, në periferi të Crotone .
Vajza ka qenë duke ecur në anë të rrugës me një kushëri dhe një të njohur të këtij të fundit, i cili nuk është plagosur rëndë. Vajza e vogël ka ndërruar jetë menjëherë.
Sipas TGCOM24 drejtuesi i makinës që përplasi vajzën ishte një 45-vjeçar. Kushëriri i vogëlushes tentoi ta ndihmojë, por fatkeqësisht e vogla vdiq në vend.
Drejtuesi i mjetit u dërguar në spital, për kryerjen e analizave përkatëse mjekësore për të testuar nëse ishte nën efektin e alkoolit. Hetimet po vijojnë për zbardhjen e mëtejshme të aksidentit.
Discussion about this post