Ka ndërruar jetë në moshën 30-vjeçare futbollisti grek Giorgos Zagliveris, i cili po luftonte për jetën. Lojtari, i cili ka luajtur për disa skuadra greke, vuante nga një formë e rrallë e kancerit, Limfoma Burkitit, dhe humbi betejën me sëmundjen mëngjesin e sotëm.
Lajmin për ndarjen nga jeta të 30-vjeçarit e ka dhënë vëllai i tij me anë të një postimi në rrjetet sociale.
Kostas Zagliveris publikoi një foto ku pozojnë së bashku të qeshur dhe shkuan: “Udhë të mbarë vëllai im, tani do të na ruash nga lart. Do të kujtojmë gjithmonë të buzëqeshur”.
Beteja e 30-vjeçarit me kancerin e rrallë u zbulua pak muaj më parë teksa videot e tij në spital u bënë publike.
Ai donte të ndërgjegjësonte botën duke treguar ndryshimin që ndodhi me trupin dhe pamjen e tij pasi u diagnostikua me Limfomën e Burkitit.
Familja e futbollistit 30-vjeçar pak kohë më parë bëri apel në rrjetet sociale për të mbledhur një shumë që do të mbulonte shpenzimet e tij mjekësore.
Discussion about this post