E trishtë! Ishte në koma, vdes shqiptari që u aksidentua në Gjermani

Një lajm i trishtë ka ardhur nga Gjermania, ku pas 10 ditësh në koma, ka ndërruar jetë 33-vjeçari Alfred Visha.

Ka shkuar në 5 numri i shqiptarëve të vdekur nga aksidenti tragjik në punë në Hamburg të Gjermanisë.

Lajmin e trishtë e ka konfirmuar daja i Alfred Vishës.

4 shqiptarë humbën jetën në një aksident tragjik në punë në Hamburg të Gjermanisë, më 1 nëntor. Ndërkohë një prej punëtorëve, 33-vjeçari Alfred Visha, ndodhej në gjendje kome.

Baba i tre fëmijëve, Visha mësohet se punonte për të siguruar jetën e tre fëmijëve të mitur të cilët jetojnë në Shqipëri në një fshat të Matit.

Ndërkohë puna e tij ishte sezonale, pasi Visha largohej drejt Gjermanisë çdo tre muaj me pasaportë shqiptare.

Punëtorët shqiptarët po punonin në katin e tetë të objektit kur skela e tyre u shemb pranë boshtit të ashensorit.

Pasi u rrezuan frikshëm në thellësi, materialet e ndërtimit dhe shtyllat e hekurit të skelës u ranë përsipër.

Ekipi i kërkim-shpëtimit me 150 persona gjeti të vdekur në vend 4 punëtorë shqiptarë me plagë dhe trauma të shumta.