Një lajm i trishtë ka kapluar qytetin e Beratit dhe gjithë qytetarët e besimtarët mysliman, pasi ka ndërruar jetë ish-Myftiu, Murat Dura.
Mësohet se Dura u prek nga Covid-19. 79-vjeçari edhe pse mori mjekimin e nevojshëm, sëmundja agravoi dhe ai nuk mundi dot ta fitonte betejën me të.
Ai është vlerësuar gjithmonë si një njeri fisnik e me vlera, i cili ka hapur në vitin 1990 dyert e mbyllura të Xhamisë së Beratit, pas mbylljes së tyre nga komunizmi.
Dura punoi 27-vite me radhë në Myftininë e Beratit,14-vite si Imam dhe 13-vite si Myfti dhe gjithmonë ka ngritur zërin për bashkëjetesën fetare dhe paqen mes njerëzve.
Dura gëzonte respektin dhe mirënjohjen e të gjithë beratasve pasi ishte jo vetëm një njeri i thjeshtë, me vlera dhe i dashur me të gjithë, por edhe një burrë “babaxhan” që ndihmonte njerëzit në nevojë dhe fëmijët jetim.
Ndarja nga jeta e ish/Myftiut Murat Dura shënoi edhe një “ditë zie” për Myftininë e Beratit,që mbylli dyert e saj ditën e sotme,në shenjë respekti e mirënjohje për veprën fisnike të tij. Të shumta kanë qënë edhe mesazhet e ngushëllimit për familjen Dura nga familjarë,miq,të afërm e qytetarë beratas në rrjetet sociale.
Discussion about this post