Futbolli shqiptar në zi.
Është ndarë nga jeta mëngjesin e sotëm, në moshën 71 vjeçare ish-futbollisti i shquar i kombëtares tonë dhe Luftëtarit të Gjirokastrës, Sefedin Braho.
Braho spikati falë talentit të tij, duke qenë një prej lojtarëve më të shquar të futbollit shqiptar në vitet 70-80.
Ai njihej me nofkën “shigjeta”, për shkak të shpejtësisë, elegances dhe driblimit të tij.
Në kampionatin shqiptar ka luajtur për Partizanin dhe Luftëtarin, ndërsa me ekipin përfaqësues ka zhvilluar 9 ndeshje, duke realizuar edhe një gol.
Postimi i FSHF
Një ditë e trishtë për futbollin shqiptar!
Sefedin Braho, emër i madh i Luftëtarit, kampion me Partizanin, pjesë e Kombëtares shqiptare, është ndarë nga jeta ditën e sotme.
Më shpejtësinë dhe driblimet e tij fitoi zemrat e tifozëve gjirokastritë dhe të gjithë atyre që e dashurojnë futbollin.
Federata Shqiptare e Futbollit i përcjell familjes së Sefedin Brahos, të afërmve dhe miqve, ngushëllimet më të sinqerta!
U prehsh në paqe Sefedin Braho!
Postimi i klubit Flamurtari
Futbolli Gjirokastrit dhe gjithë Shqipëria humbi sot një legjendë. Është ndarë para kohe nga jeta Sefedin Braho, një ikonë e vërtetë dhe një figurë emblematike për klubin Gjirokastrit. Sulmues i jashtëzakonshëm, futbollist model dhe njeri me kontribute të mëdha në futbollin shqiptar. Ka shkruar emrin e tij me gërma të arta në histori e futbollit. Ngushëllimet më të sinqerta nga klubi AS Luftetarit familjes Braho, miqve dhe të afërmve të tij. Kujtimi i tij do të mbetet i paharruar. Të prehesh në paqe legjendë!
Homazhet në nderim të tij do zhvillohen ditën e nesërme, ora 13 me 15 në pallatin e sportit.
Discussion about this post