E trishtë/ Ndërron jetë 6-vjeçari, foshnja tre muajshe në koma

Pas sulmeve që u bënë gjatë natës në qytetin bregdetar jugor të Ochakov, ka ndërruar jetë një vajzë 6-vjeçare ndërsa një foshnje tre muajshe është në koma.

Vitalii Kim, kreu i administratës ushtarake rajonale të Mykolaiv, tha se tre persona u vranë nga bombardimet dhe gjashtë u plagosën, ndërsa si rezultat i këtij sulmi ka mungesë totale të energjisë dhe ujit e gazit.

Ai shtoi se “rreth 11 raketa” u qëlluan në Mykolvaiv, një qytet gjithashtu në jug, gjatë natës. Vitalii Kim tha se disa raketa ishin rrëzuar nga mbrojtja ajrore, por nuk dha detaje të mëtejshme.

Mykolaiv është përballur me një breshëri sulmesh që nga fillimi i luftës në shkurt.

Javën e kaluar, kryetari i bashkisë së qytetit port të sulmuar bëri thirrje që “të gjithë ata që duan të mbijetojnë” të largohen.