Ngjarje tronditës e po raportohen çdo ditë nga Ukrainë, ku po humbasin jetën shumë fëmijë të vegjël. Një 4-vjeçar i cili ishte shpallur i zhdukur prej një muaji, është gjetur i pa jetë ditën e sotme. Sasha u zhduk në mes të marsit ndërsa ishte me gjyshen e tij në lagjen Vyshhorod, në rajonin e Kievit. Familjarët e vogëlushit ngritën alarmin pasi nuk mundën ta gjenin 4-vjeçarin, teksa po përpiqeshin të evakuoheshin nga sulmet ruse.
Sipas “La reppublica”, e ëma, Anna Yahno përmes një postimi në Instagram njoftoi se kishin gjetur trupin e Sashës. “Sot gjetëm trupin e Sashës. I falënderoj të gjithë ata që ndihmuan në kërkim, të gjithë ata që u lutën dhe treguan solidaritet me ne. Sasha engjëlli ynë i vogël tashmë është në parajsë. Sot shpirti i tij ka gjetur paqe”, tha ajo.
Për disa javë pati një mobilizim të vërtetë për të kërkuar 4-vjeçarin, të cilit iu bashkuan edhe të famshëm ukrainas duke shpërndarë njoftime dhe duke mobilizuar grupe kërkimi.
Discussion about this post