Mbledhja e këshillit bashkiak të Tiranë do të mbahet ‘online’ dhe jo fizikisht sic ishte planifikuar. Opozita ka akuzuar se vendimi është i paligjshëm dhe i urdhëruar nga kryebashkiaku Erion Veliaj.
Ditën e sotme, 30 prill 2024, ishte lajmëruar mbledhja e Kryesisë së Këshillit të Bashkisë Tiranë në orën 16:30, por mësohet se kjo mbledhje është anuluar për arsye sigurie, thuhët në një mesazh (grup i këshilltarëve bashkiak) për arsye sigurie.
Anëtarët e mazhorancës kanë votuar që mbledhja të mbahet on line pasi me argumentin se kanë frikë nga protesta e qytetarëve.
Protesta organizohet nga Aleanca për Teatrin dhe qytetarë të zemëruar nga vjedhja me dosjen ‘5D’ të drejtorëve të Erion Veliajt.
Mazhoranca në Këshillin Bashkiak e kontrolluar nga kryebashkiaku nuk pranojnë interpelancat e kërkuara nga këshillatarët e opozitës për aferën korruptive.
Avokati Genc Gjokutaj, anëtar i këshillit bashkiak, e konsideroi si shkelje të ligjit zhvillimin e mbledhjeve online në kundërshtim me ligjin.
“Mbledhjet online mbahen në kohë pandemie, shyqyr zotit tani dielli shkëlqen. Por një gjë duhet të kenë parasysh se kjo nuk mbahet me policë, këta janë ordinerë”, tha Gjokutaj, duke shtuar se Veliaj që po merret në pyetje, po jep urdhëra teksa po merret në pyetje në SPAK.
Ilda Zhulali, anëtare e Këshillit Bashkiak, tha se nuk ka mbetur njeri i madh dhe i vogël që nuk ka marrë vesh që janë vjedhur taksat e qytetarëve të Tiranës nga drejtorët e Erion Veliajt.
“Është i vetmi vend ku kjo nuk diskutohet, që këta nuk pyesin se ku përfunduan taksat e qytetarëve”, tha ajo. Zhulali u shpreh se vijojnë të paguhen 80 mijë euro në ditë për inceneratorin fantazëm të Tiranës, ndërkohë që ato para mund të investoheshin për shkolla, kopshte, çerdhe.
Discussion about this post