Shpesh herë moderatorja Arbana Osmani gjen pak kohë që të bisedojë me ndjekësit në rrjetet sociale dhe kështu ka bërë edhe këtë herë, por që në fakt është përballur me një pyetje të çuditshme.
Një prej tyre i ka shkruar: Pse mbështete dje vetëm Beniadën, kur ideja e picës ishte e Sarës dhe Beniadës? Një pyetje e tillë i është dukur absurde Arbanës, por fillimisht ajo i është përgjigjur me ironi. Arbana ka shkruar se e ka inat Sarën dhe ajo nuk e meriton të jetë konkurrente në “Big Brother VIP”.
“Sepse Sarën e kam shumë inat. Nuk e kam pëlqyer kurrë dhe nuk lë rast pa e treguar. Madje se kuptoj pse duhej të ishte dhe ajo pjesëmarrëse në lojën e picës. Nuk e meriton. Madje nuk meriton fare të jetë konkurrente. Nuk di të bëjë as pica. (Shakat anash, djema programet me tifozllik janë më argëtueset realisht; por pyetje të tilla janë absurde)”, ka shkruar moderatorja, ndërsa ka shpjeguar se në të vërtetë i mbështet të gjithë banorët njësoj.
Discussion about this post