E veja e Yevgeny Prigozhin, ish-kreu i grupit mercenar rus Wagner, ka ndryshuar zyrtarisht mbiemrin e saj.
Sistemi SPARK vëren se e veja e Prigozhin tani quhet Lubov Valentinovna Krazheva, raporton media ruse Fontanka.
Informacionin për ndryshimin e mbiemrit SPARK e ka marrë më 15 shtator.
Nuk ka informacion se kur është ndryshuar mbiemri. Fontanka thotë se në fakt është emri i vajzërisë së vejushës së Prigozhin.
Ish-kreu i mercenarëve kishte tre fëmijë, një djalë dhe dy vajza, por nuk dihet nëse edhe ata kanë ndryshuar edhe mbiemrat. E veja e Prigozhin është një farmaciste që është një sipërmarrëse.
Kujtojmë se më 23 gusht të këtij viti Prigozhin vdiq në një aksident ajror në rajonin Tver të Rusisë. Prigozhin ishte në listën e shtatë pasagjerëve të avionit privat, ndërsa tre personat e tjerë në bord ishin anëtarë të ekuipazhit. Avioni i përkiste grupit mercenar Wagner dhe ishte nisur nga Moska për në Shën Petersburg.
Të dhjetë personat që ishin në aeroplan vdiqën. Dy muaj para rrëzimit të aeroplanit, Prigozhin filloi një rebelim jetëshkurtër, por i mbështetur mirë kundër regjimit të Vladimir Putin. Pasi kritikoi publikisht veprimet e anëtarëve të udhëheqjes ushtarake ruse dhe i akuzoi ata për sulmin ndaj Wagner në Bakhmut, urdhëroi një marshim drejt Moskës.
Discussion about this post