Prokuroria në Kosovë vijon hetimet për të zbardhur plotësisht ekzekutimin e Liridona Ademajt, 30-vjeçares që u vra në një inskenim grabitjeje, ndërsa mbetet mister motivi që shtyu bashkëshortin e saj Naim Murseli të porosiste vrasjen që ka tronditur opinionin publik.
Gazetari Igli Çelmeta duke folur për hetimin e krimit të rëndë, tha se Shabani, babai i Naim Murselit, i cili porositi vrasjen e bashkëshortes, di të vërtetën për ngjarjen dhe se kjo është zbuluar nga takimi që ka bërë me të birin në burg.
Ai tha gjithashtu se edhe familjet Murseli Ademaj e dinë të vërtetën, por heshtin për të respektuar të ndjerën.
“Nga takimi që ka bërë me djalin në burg, nga pamjet dhe audio rezulton se ky person e di të vërtetën dhe autoritetet e Kosovës do të veprojnë shumë shpejt. Po mbron një kriminel, djali i tij është kriminel. E vëretat është tentuar të mos dalë në media, te dyja familjet e dinë të vërtetën por nuk e thonë sepse duan të respektojnë Liridonën. Disa nga familjarët e kanë thënë të vërtetën. Prandaj hetimi po vazhdon. Shaban Murseli di shumë, tha Çelmeta për Panorama TV.
Gazetari gjithashtu foli dhe në lidhje me aludimet për dhunën ndaj autorit të krimit, Granit Plavës. Ai tha se ka pasur tentativë për ta dhunuar në burg, por nuk ka ndodhur sepse ka ndërhyrë siguria.
“Ka pasur një ngjarje në burgun e Kosovës, ndaj Granti Plavës ka pasur tentativa për ta rrahur por ka pasur ndërhyrje dhe nuk është dhunuar. Drejtori i Burgjeve të Kosovës tha se ka pasur tentativa, por është ndaluar nga siguria”, tha Igli Çelmeta.
Discussion about this post