E veshur kokë e këmbë, Ronela Hajati intervistë në Torino: Unë s’bëra asgjë më…

Këngëtarja e njohur Ronela Hajati ka realizuar një intervistë në Torino pas provave për festivalin në Eurovision, ku do të përfaqësojë Shqipërinë me këngën “Sekret”.

Ndërkohë, ajo që rrëmbeu më shumë vëmendje ishte veshja e këngëtares shqiptare e cila u shfaq me një fustan të bardhë të gjerë që i mbulonte gjithë trupin përveç duarve që i kishte lënë jashtë. Në pjesën e supeve fustani ishte voluminoz teksa Ronela mbante dorashka të bardha të shkurtra. Sakaq, në kokë mbante një kapele, nëse mund ta quajmë të tillë shumë ekstravagante, të madhe dhe të qëndisur me gurë. Veshjen e saj ajo e shoqëroi me shumë aksesorë si varse, vathë, byzylykë.

Bëhet me dije se intervista u realizua për fotografinë që u fshi nga faqja zyrtare në Instagram sepse u cilësua si provokuese, ndërsa Ronela shprehet se nuk kishte asgjë të gabuar.

Imazhi u realizua gjatë provave dhe këngëtarja po bënte lëvizjen që shpiku mbreti i popit, Michael Jackson.

“Ndihem çuditshëm, por mendoj se Eurovisioni është festivali i lirisë dhe kjo është arsyeja kryesore përse ëndërroja të isha këtu. Secili mund të bëjë siç dëshiron, por në fund të ditës, është vetëm shoë. Nëse dikush do të shohë diçka familjare, mund të shohë ndonjë shfaqje tjetër. Është në 9 të mbrëmjes, më besoni, fëmijët dinë gjëra më shumë se unë. Unë nuk bëra asgjë më shumë se ç’duhet. Kur njerëzit të shohin performancën, do mendojnë, për këtë u bë aq e madhe? Është thjesht një lëvizje dhe kapën fotografinë, çfarë ka të gabuar në këtë? Michael Jackson e shpiku këtë! Unë isha vetëm 3 vjece. Nëse ai e ka bërë, edhe unë do e bëj”.

Nga ana tjetër, për kërcimtarët u shpreh se janë miqtë e saj dhe koreografja Klaudia Pepa ka menduar diçka që të përfaqësojë Shqipërinë dhe të japë mesazhin që të gjithë janë të lirë për të dashuruar.

“Ata janë edhe miqtë e mi. Ata janë italianë dhe koreografja është nga Shqipëria, por jeton në Itali. Ajo është mikesha ime dhe është shumë e talentuar. Ne u përpoqëm të bëjmë diçka ndryshe, një kërcim tradicional i ndërthurur me modernen, diçka që mund të përfaqësojë Shqipërinë sepse është komerciale. Është një mesazh për këdo që të ndihen të lirë për të dashuruar këdo, të gëzojnë shëndet të plotë mendor dhe fizik. Dashuria lufton çdo gjë të keqe, ndaj mendoj se është mesazhi më i mirë që mund të japim”.