Margot Robbie pasi pozoi për revistën britanike “Vogue”, ka treguar pasionin e saj për të sjellë gratë në zhanerin e filmit aksion. Dailymail raporton se Margot e kritikon idenë se aktoret femra nuk janë të interesuara në zhanrin e filmit aksion.
Aktorja 30-vjeçare teksa pozoi në bikini për “Vogue” i tha revistës së modës se dëshiron të bëjë më shumë për të ndihmuar koleget e saj, duke thënë se ekziston një keqkuptim se gratë nuk duan të përfshihen.
‘Perceptimi që gratë nuk janë të interesuara për aksion është qesharak. Nga pikëpamja e biznesit ose statistikës, ato janë punët me pagë të lartë,”-tha ajo për revistën britanike.
Ylli australian tregoi më tej për planet e saj për t’u bërë një shkrimtare dhe regjisore, duke thënë se historia e saj ndër vite do të jetë një nga shkrimet.
