Një ngjarja sa e rëndë, sa dhe e pazakontë vjen mëngjesin e kësaj të premteje nga fshati Shënavlash i Durrësit.
Një 50-vjeçar u gjet i vrarë dhe i varrosur në shtëpinë e tij, një krim për të cilin policia ka vënë në pranga të bijën. Viktima është Pëllumb Meta, ndërsa autore e dyshuar 19-vjeçarja Hygerta Meta. Motivi? Të paktën sipas asaj që ka deklaruar vetë e reja, insistimi i të atit për ta fejuar pa dëshirë.
Por burime nga Drejtoria Vendore e Durrësit bëjnë me dije se pista ku po heton policia është ajo e marrjes përsipër të krimit nga vajza, por që dyshohet se mund ta ketë kryer një nga anëtarët e tjerë të familjes.
Sipas burimeve, Pëllumb Meta nga të gjithë anëtarët e tjerë të familjes përshkruhet si autoritar dhe shumë i rreptë në familje, çka shpesh herë ka ndezur debate.
Ndërkohë që dyshimi më i fortë i grupit hetimor që ka zbardhur ngjarjen, ka qenë fakti që Pëllumb Meta pasi është kthyer më datën 13 shkurt në banesë, nuk ka dalë më nga aty.
Më tej mjeti, i cili ka dalë nga banesa dhe është lënë në aksin Shënavlash-Sektori Rinia, dyshohet që mund të jetë nxjerrë për të humbur gjurmët nga një prej anëtarëve të tjerë të familjes. Vajza është risjellë në banesë për të ndihmuar grupin hetimor për vendndodhjen e armës, por nuk është treguar mjaft e qartë dhe arma nuk është gjetur ende.
Discussion about this post