Ngritja nga shtrati në ditët e ftohta të dimrit mund të jetë paksa e vështirë. Disa shtyjnë zilen për të kaluar pak minuta më shumë në shtratin e ngrohtë. Megjithatë, kjo “manovër” mund të na bëjë vonë për në punë.
Eksperti i gjumit, Martin Seeley, ka zgjidhjen perfekte për t’u ngritur menjëherë. Siç ka treguar ai për “The Mirror”, ekziston një “rregull 10 sekondësh” që ndihmon. Gjëja kryesore është të ngriheni nga shtrati në më pak se 10 sekonda pasi bie zilja. Pasi ngriheni nga shtrati, Seeley rekomandon të dilni shpejt nga dhoma për të shmangur kthimin në shtrat.
Pasi të dilni, duhet të shkoni në tualet ose të filloni të përgatisni mëngjesin. Eksperti i gjumit rekomandon që pasi të ngriheni nga shtrati, të mbuloheni me diçka të ngrohtë për të ruajtur nxehtësinë e trupit.
Një dush i nxehtë është një nga opsionet më të mira kur tashmë jeni ngritur nga shtrati, pasi ju lejon të rregulloni temperaturën e trupit dhe t’ju mbajë ngrohtë ndërsa visheni.
Nëse trupi juaj e ka të vështirë të përshtatet me temperaturën në shtëpi, Seeley rekomandon të flini me pizhame dimërore, pasi kështu do të ndjeni më pak të ftohtë kur të dilni nga shtrati.
Discussion about this post