E zë korrenti, humb jetën 65-vjeçari në Divjakë

Një 65-vjeçar ka humbur jetën këtë të Hënë në Divjakë pasi dyshohet se ka rënë në kontakt me energjinë elektrike.

“Rreth orës 08:00, në fshatin Spolat, Divjakë, është gjetur pa shenja jete, afër banesës së tij, shtetasi B. Ç., 65 vjeç. Nga veprimet e para hetimore dyshohet se ky shtetas e ka humbur jetën pasi ka rënë në kontakt me rrymën elektrike”, njoftoi policia.

Grupi hetimor po punon për sqarimin e plotë të rrethanave të rastit, shtuan të njëjtat burime.

Ndërkohë, burime policore thanë se viktima, Baki Çela ishte duke punuar në një kasolle pranë banesës dhe aty dyshohet se ka rënë në kontakt me energjinë elektrike.