E zuri pema poshtë teksa po priste dru, humb jetën 53 vjeçari

Një 53 vjeçar në zonën e Gramshit ka humbur jetën aksidentalisht teksa ishte duke prerë dru në mal.

Ngjarja ka ndodhur në malin Valmar ku shtetasi N. Ç., 53 vjeç, dyshohet se e ka zënë poshtë një pemë të cilën ai e preu me motosharrë.

Si pasojë e dëmtimeve të marra, 53-vjeçari ka humbur jetën në spital.

Njoftimi i policisë

Ditën e djeshme, në malin Valmar, shtetasin N. Ç., 53 vjeç, banues në fshatin Grabovë, dyshohet se e ka zënë poshtë 1 pemë të cilën ky shtetas po e priste me motosharrë. Si pasojë e dëmtimeve të marra, 53-vjeçari ka humbur jetën në spital. Një grup i posaçëm hetimor po punon për të dokumentuar ligjërisht, rrethanat e këtij rasti.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Elbasan, për veprime të mëtejshme.