Lali Eri u dërgon fondet e bashkisë dhe administratorët e “Eco Tirana” i xhirojnë shpejt e shpejt përmes tenderave të korruptuar. Ndërkohë që SPAK është i zënë me hetimin e inceneratorit dhe aferën “5D”, Lali Eri po përdor shoqërinë “Eco Tirana” që e ka pothuajse private. Qysh në fillim të muajit mars 2024 kemi parë që “ECO Tirana” të zhvillojë çdo javë tenderë për të blerë kryesisht mjete dhe pajisje shpesh të përdorura dhe të amortizuara, që i kushtojnë buxhetit të bashkisë miliarda lekë.
Këtë herë, “Eco” e Lali Erit dhe e partnerëve italianë të implikuar me mafian në Verona, do të nxjerrë nga arka e bashkisë 3.1 miliardë lekë përmes tenderit me objekt ‘Blerje kompaktues 2/3 akse (18/27 mc)’.
Konkretisht do të blihen makineri me ngarkim të pasëm, për pastrimin e inerteve apo mbeturinave.
Nga një kërkim i thjeshte që bëmë shohim se një makinë e tillë me ato përmasa, 3 akse dhe e re kushton 56 milionë lekë. Në dokument thuhet se do të blihen 10 të tilla me 3 akse dhe 8 me dy akse. Ne po i marrim në konsideratë sikur do blihen 18 me 3 akse, dhe në total do të kushtonin rreth 1.2 miliardë lekë.
Ndërsa Veliaj do të shpenzojë 3.1 miliardë lekë, pra rreth 1.9 miliardë lekë janë në diskutim formë pazari me shoqërisë dhe një kompanie private italiane.
Në dokumentin e publikuar shohim që vetëm firma Autobren s.r.l ka paraqitur ofertë me vlerë 2.4 miliardë lekë. Mund të themi që është një ofertë ekonomike në raport me shumën që ka përllogaritur komisioni për fondin limit.
Por, gjithsesi në kushtet kur nuk kishte asnjë konkurrent përballë, tenderi duhej anuluar.
Plani i administratorëve të Veliajt ka qenë që lekët t’i marrë biznesmeni italian, që është klient i përhershëm i shoqërisë dhe i përfiton gjithnjë tenderat për pajisje. Kështu, me siguri me porosi të Veliajt është publikuar kontrata me kompaninë e drejtuar nga Ampelio Ziggiotto. Kontrata është shënuar me ‘Red Flag’ nga Open Data Albania, për të treguar riskun e korrupsionit.
Ju kujtojmë që më 12 korrik Gijotina.com denoncoi tenderin abuzivë me vlerë 120 milionë lekë që Veliaj ja dha të njëjtës firmë për të blerë makina pastrimi për rrugët dhe tenderin për tela dhe rula për fshesat.
Kjo firmë i ka përfituar fondet duke u favorizuar në mungesë konkurrence.
©️Copyright Gijotina.com
Ky artikull është ekskluziv i Gijotina.com, gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”. Shkrimi mund të ripublikohet nga mediat e tjera vetëm duke cituar Gijotina.com dhe në fund të vendoset linku i burimit, në të kundërt çdo shkelës do të mbajë përgjegjësi sipas Nenit 178 të Ligjit Nr/ 35/2016.
Discussion about this post