Të shoqëruar me dokumente, Gijotina.com ka denoncuar se Eco Tirana, ka shërbyer si mbulesë për bizneset e lidhura me mafian, me të cilët e themeloi Erion Veliaj shoqërinë “ECO Tirana”. Nga ana tjetër, ndërmarrja e përbashkët përdoret për të nxjerrë sa më shumë para nga arka e bashkisë, të justifikuara me tendera korruptivë.
Nuk ka ditë që të mos shfaqet një tender me shkelje i “ECO Tirana” në sistemin e Agjencisë së Prokurimeve Publike. Tenderi i radhës që ka si objekt “Blerje makine fshese për fshirjen e rrugës” është shembull i fryrjes së fondit limit dhe përpilimit të kritereve që t’i përshtaten një operatori ekonomik të caktuar.
Për këtë tender, administratorët e Erion Veliajt kanë aprovuar që “Eco Tirana” të shpenzojë 120 milionë lekë për të blerë një makinë fshesë të përdorur.
Nuk e dimë se si e llogaritën fondin limit këta administratorë, por është e qartë që është caktuar një shifër që nuk ka lidhje me tregun. Kjo makinë do të blihet tek një biznesmen italian në Itali, që i ka gjendje sepse edhe aktivitetin e ka për lëshimin e mjeteve me qira. Dhe çmimi është vënë në bazë të marrëdhënies që ka Lali Eri me biznesmenin.
Mjafton të kontrollosh online tregun e makinave dhe do të bindesh se fondi limit i caktuar për blerjen e këtij mjeti është të paktën 3 herë më i madh se ato që ofrojnë distributorët.
Kjo makinë me fshesë kushton më pak se sa 22 mijë dollarë.
Ndërsa kjo makinë e re me zero kilometër kushton vetëm 44, 800 dollarë.
Kurse këto makina me fshesë janë elektrike dhe kushtojnë 16 mijë deri në 50 mijë dollarë.
Tregu është baza në përcaktimin e fondit limit, por komisioni nuk ka pyetur fare, pasi tenderi është fiktiv. Më poshtë është tabela me cilësitë e makinës me fshesë “magjike” që do të blejë “ECO Tirana”.
Kërkohet një makinë e përdorur e vitit 2016 që do të ndoti rrugët tona me tym. Makina që po kërkohet kufizon pjesëmarrjen e operatorëve të tjerë në tender, sepse është përcaktuar çdo element që i përshtatet vetëm tipit të mjetit që disponon biznesmeni italian. Madje përcaktohet edhe ngjyra, ndërkohë që përdoret terminologji në gjuhën italiane si për shembull “spazzatrice”.
Dhe sipas “Eco Tiranës”, kjo makinë kushton 120 milionë lekë edhe pse e kërkojnë të vitit 2016. Kujtojmë që pak ditë më parë u blenë tela dhe pjesë të tjera për këto fshesa, tani kërkohet kjo makinë.
Në prokurim është dorëzuar ofertë vetëm nga firma “Autobren s.r.l” që sipas të dhënave është degë e një firme italiane ATLAS IMMOBILIARE S.R.L. ATLAS IMMOBILIARE S.R.L është një shoqëri italiane me numër regjistrimi dhe kod fiskal 02373740246 (Sipas te dhënave te ekstraktit historik te regjistrit tregtar italian për shoqërinë Autobren s.r.l, date 21.01.2021).
Veliaj ka miqtë e tij që ngritën shoqërinë “Eco Tirana” në Itali, prandaj nuk është lodhur të merret me zhvillim gare sipas ligjit, menjëherë ka firmosur kontratën me firmën italiane, nga e cila do të blejë makinën me fshesë.
Ndërkohë Open Data Albania e rendit si abuziv këtë tender. Prandaj i valëvitet “Flamuri i kuq”, që është shenja e riskut të korrupsionit. Dhe nuk ka mjaftuar me kaq, por në të njëjtën kohë është hapur tenderi për blerjen e një tjetër makine me fshesë. Në këtë tender kërkohet që të jetë makinë e re.
Më datë 9 korrik 2024, shoqëria ka shpallur garën për tenderin me objekt ‘Blerje makineri fshese e re’. Kjo e reja do të kushtojë 191 milionë lekë. Fituesi pritet të shpallet në gusht. Nuk është çudi që paratë të shkojnë tek ndonjë firmë tjetër italiane, që e ka prenotuar grupi i Lali Erit.
©️Copyright Gijotina.com
Ky artikull është ekskluziv i Gijotina.com, gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”. Shkrimi mund të ripublikohet nga mediat e tjera vetëm duke cituar Gijotina.com dhe në fund të vendoset linku i burimit, në të kundërt çdo shkelës do të mbajë përgjegjësi sipas Nenit 178 të Ligjit Nr/ 35/2016
Discussion about this post