Ylli i muzikës pop, Ed Sheeran në një intervistë të dhënë së fundmi tha se ai ka ndryshuar këndvështrimin e tij ndaj jetës dhe punës që nga lindja e vajzës së tij Lyra vitin e kaluar.
“Sapo Cherry më tha se ishte shtatzënë, jeta u zhvendos, për sa i përket punës dhe shëndetit dhe asaj që unë fusja në trupin tim, qoftë ushqim apo alkool,”– i tha ai BBC Radio 1, Greg James.
Sheeran gjithashtu ndryshoi zakonet e tij të punës, duke punuar “nëntë deri në pesë” në vend që të mbaronte seancat e regjistrimit në 2 të mëngjesit.
“Në fakt çmend prodhuesit. Unë isha në Los Anxhelos duke punuar me këta prodhues që zakonisht fillojnë të punojnë në orën 6 të mbrëmjes dhe përfundojnë në orën 6 të mëngjesit me njerëz si Post Malone dhe Dua Lipa.”- tha ai.
Sheeran dhe gruaja e tij, Cherry Seaborn njoftuan lindjen e fëmijës së tyre të parë, Lyra Antarctica Seaborn Sheeran, në gusht, duke u thënë fansave se ishin “plotësisht të dashuruar”.
Duke folur me Zane Lowe të Apple Music, ai gjithashtu tha që të bëhesh baba kishte ndryshuar marrëdhënien e tij me prindërit e tij.
“Ishte e mahnitshme më parë, por tani është ashtu si ekziston kjo mirënjohje dhe respekt i përjetshëm për të qenë si, unë e di se çfarë kaluan ata dhe unë ende po e kaloj atë. Unë jam duke mësuar ditë pas dite. Kështu që unë mendoj se është e mahnitshme,”– tha Sheeran.
30-vjeçari po fliste ndërsa zbuloi këngën e parë nga albumi i tij i pestë në studio.
