Ngjarjet e fundit në Rusi, mbi të gjitha rebelimi i grupit mercenar “Wagner”, ishin tema kryesore e mediave botërore, me shumë opinionistë që jepnin mendimin e tyre në lidhje me të ardhmen politike të Rusisë dhe jo vetëm. Më i fundit që ka folur për këtë çështje të nxehtë të datës 24 qershor, ishte Ervin Karamuço.
Profesori i kriminalistikës ishte i ftuar në televizionin “Euronews Albania” ku ndër të tjerat ka komentuar zhvillimet e fundit në lindje të Europës.
Ai tha se nëse kjo përplasje është reale, mes Wagner dhe Rusisë, atëherë kokat le të hanë, pasi sipas tij ata janë të gjithë kriminelë edhe shefi i Wagner, Prigozhin edhe presidenti Putin e po ashtu ministri i jashtëm Shoigu.
“Sot është dita më e bukur për Ukrainën dhe për të gjithë perëndimin, kur morëm vesh se sa të brishtë janë përfaqësuesit e ariut polar të dikurshëm që donin të na bindnin se do bënin një botë bi-polare dhe do marrim gravitetin që na takon.
Megjithatë kokat le të hanë, se në të drejtën ndërkombëtare ata janë kriminelë lufte si Putini si Prigozhini edhe Shoigu”,- tha Karamuço.
Discussion about this post