Kreu i KQZ-së, Ilirjan Celibashi ka pranuar se shtyrja për disa ditë e regjistrimit të diasporës për zgedhjet e 11 Majit nuk do të krijontë aspak probleme, përkundrazi do ndihmonte.
“Procesi ka qenë në përputhje me parashikimet e ligjit. Opozita kërkoi që të shtyhej afati për të gjithë, për 3-4 ditë, diçka e tillë se më shumë se data 9 ne nuk e shtynim dot.
Megjithatë, deri nga data 7 do të ishtë okej sepse procesi u mbyll në datën 4 dhe ne kemi dy ditë qe e shqyrtojmë dhe akoma nuk ia kemi dalë që t’i përfundojmë shqyrtimet. Ideja ishte që ta shtynim deri në datën 7 të paktën.
Nuk pati dakordësi ndërmjet palëve, dhe iu propozova atyre një variant tjetër që të paktën për këta që janë refuzuar të shtyhej afati dhe të riaplikonin sërish dhe KQZ në këtë proces të kishte mundësi t’i asistonte. Nuk u gjet dakordësia edhe për këtë kështu që jemi në fazat që jemi, që në fund të fundit është tërësisht ligjore dhe u dakordësuam të gjithë ku procesi vazhdojë deri më datën 4 mars.
Personalisht, dhe jo për të dalë si’burrë i mirë’ me opozitën, nuk do të ishte ndonjë problem nëse do të shtyhej deri në datën 7 sepse edhe nga pikëpamja teknike, sistemi e mundësonte këtë gjë.
Këtë e kam thënë publikisht edhe herët e tjera. Veçanërisht në një realitet të tillë politik, sikurse është Shqipëria vëmendje të shtuar do duhet të kemi ndaj atyre kërkesave apo shqetësimeve që sjell opozita”, u shpreh ai.
Discussion about this post