Në të ashtuquajturin Komisioni i Posaçëm Anti-Korrupsion duket se do të mbetet vetëm drejtuesi i saj, Fatmir Xhafaj, vëllai i trafikantit ndërkombëtar të drogës Geron alias Agron Xhafaj.
Së fundmi, edhe Gjykata e Lartë ka refuzuar që të marrë pjesë, duke refuzuar që të dërgojë ekspertët e saj. Vendimi vjen pas ftesës që iu drejtua nga Komisioni në fjalë institucioneve Kushtetuese në vend, përfshirë edhe ato të drejtësisë, lidhur me ligjbërje, dhënie mendimi apo veprimtarinë e këtij komisioni ad-hoc.
“Vlerësojmë se kërkesa Juaj për pjesëmarrjen e drejtpërdrejtë të gjyqtarëve të kësaj Gjykate si anëtarë të një nëngrupi teknik, në varësi të Grupit të Ekspertëve të Nivelit të Lartë të Komisionit të Posaçëm, që duhet të kryejnë detyrat e caktuara sipas vendimmarrjes së Komisionit, nuk përshtatet me funksionin dhe misionin e gjyqtarit. Si e tillë, nga ana jonë nuk vlerësohet si zgjidhje e përshtatshme në përmbushje të misionit të Komisionit të Posaçëm.” – thuhet në përgjigjen e Gjykatës së Lartë
Më herët edhe institucionet e tjera të drejtësisë si Prokuroria e Posaçme (SPAK), Gjykata Kushtetuese, Prokuroria e Përgjithshme dhe Inspektoriati i Lartë i Drejtësisë (ILD) kanë refuzuar që t’i bashkohen Komisionit të Posaçëm Anti-Korrupsion.
Komisioni ka në përbërjen e tij 11 anëtarë, 6 nga PS dhe 5 nga opozita, ku anëtarët janë kryetarët dhe zv. kryetarët e 4 komisioneve të përhershme parlamentare dhe ata të Këshillit të Integrimit Evropian.
Deri më tani opozita e ka bojkotuar duke mos marrë pjesë në asnjë mbledhje të komisionit Xhafaj, pasi e ka interpretuar ngritjen e këtij komisioni si një tentativë të kryeministrit Edi Rama për të vënën nën kontroll SPAK-un dhe GJKKO-në.
Discussion about this post