Italia është gjendur nën sulmin e hakerave rusë, ditën e sotme. Shënjestra e radhës ishte portali i lëshimit të kartës elektronike të identitetit në Ministrinë e Brendshme, i paarritshëm për momentin.
Ekspertët e Policisë Postare po punojnë për rivendosjen e shërbimit. Ashtu si në rastet e mëparshme, sulmi është i tipit Ddos, (Refuzimi i shërbimit), që do të thotë se një sasi e madhe kërkesash dërgohen në faqen e synuar, e cila nuk është në gjendje t’i trajtojë ato dhe për rrjedhojë të funksionojë siç duhet.
Në kanalin e tyre në Telegram, si zakonisht, “Nonames” tallen duke postuar një mesazh nën foton e një ariu me trengjyrëshin italian dhe një kartë identiteti në sfond.
“Italia është e gatshme të ofrojë mbështetje materiale për Ukrainën, por pret hapa vendimtarë nga aleatët. Për fat, ekipi ynë mund të marrë vendime vetë, ne shkuam në segmentin ruso-fob italian të internetit, dhe vramë një Faqe elektronike të kartës së identitetit”.
Ndërkohë portali i kartave elektronike minimizon problemin: “Vetëm problem teknik”
“Shërbimet e kartave elektronike të identitetit janë të padisponueshme përkohësisht, për shkak të një problemi teknik në sigurimin e lidhjes me internetin, pas zjarrit të rënë dje pranë stacionit të Tiburtinës, ku përfshiheshin kabllot me fibra optike”.
Ky është shpjegimi i Ministrisë së Brendshme, duke mohuar në fakt sulmin e hakerëve.
“Po punohet për të rikthyer funksionimin e tij të plotë”, – shtoi Ministria.
Discussion about this post