Ka një tabor mediash që ndihen të shqetësuara për shkuarjen e policisë në ambientet televizionit të News24, BalkanWeb-it dhe Gazeta Shqiptare të biznesmenit Irfan Hysenbelliu.
Një biznesmen i mbytur në borxhe me miliona e miliona euro, që shumë shpesh i paguan me vonesë rrogat e gazetarëve dhe Tatimet e kanë gjetur në shkelje duke mospaguar miliona e miliona euro të trjera që i takojnë sigurimeve shoqërore apo taksave që duhet të derdhë në shtet.
Përtej këtyre, shkuarja e policisë në ambientet e News24 nuk është një pamje e bukur, është një pamje e shëmtuar, por po luhet turpësisht në media dhe publikisht me gjysmën të vërtetën, e cila nuk mund të jetë gjë tjetër veçse një gënjeshtër.
Po thuhet se u mbyll News24. Nuk është e vërtetë. Ky është një fake news.
News24 nuk është mbyllur. News24 nuk del në transmetim se nuk do Irfani të dalë në transmetim që t’i përziejë gjërat dhe të thotë mbyllën televizionin. Nuk është aspak e tillë.
E vërteta është që dy godina, nga të cilat njërës prej tyre para tre vitesh i ka mbaruar kontrata e qirasë, Irfani si gjithmonë ka dashur ta privatizojë, por shteti nuk ia ka dhënë këtë mundësi.
Pa folur më tej për lekët e qirasë që nuk janë paguar, ose paguhen me vonesë ose nuk janë paguar hiç fare.
Shkojmë më tej.
Irfani ngatërron me qëllim godinën e parë dhe godinën e dytë. Atë që ka kontratën të mbaruar dhe godinën tjetër që e ka me afat 5 apo deri 6 vite të tjera. Ishte shumë e thjeshtë.
Nga godina e parë Irfani hiqte pajisjet dhe i çonte te godina e dytë dhe vazhdonte punën. Godinën e parë ia dorëzonte shtetit dhe News24 do të ishte në transmetim. Por nuk e ka bërë këtë. Ka dashur të krijojë konflikt, incident dhe sherr.
Tjetra, ç’punë ka Irfani me pronat e shtetit?
A ka biznese private? A ka ndërtuar pallate? A ka hotele? Ta çojë te pronat e tij private televizionin dhe nuk i shkon dot shteti as t’i mbyllë derën dhe as t’i ulë çelësin e energjisë po nuk i pagoi dritat. Prandaj është shumë e thjeshtë.
News24 nuk është mbyllur.
Ajo që po ndodh është se Irfan Hysenbelliu po keqpërdor televizionin e tij për të shkuar më pas nëpër gjyqe për të krijuar precedentë gjoja në emër të lirisë së medias fjalës së lirë etj. Këtu nuk kemi të bëjmë me asnjërën prej tyre. Këtu ka shkuar shteti të marrë ambientin e tij.
Nëse një qytetari i vjen dikush dhe i merr gjysmën e pronës dhe nuk i paguan qiranë dhe pasi i mbaron kontrata nuk do të dalë nga shtëpia çfarë ndodh? Shkon dhe e nxjerr prej leckash jashtë. Dhe këtë po bën dhe shteti. Po nxjerr prej leckash një qiramarrës të keq dhe nuk ka dashur t’i rinovojë kontratën. Kjo është zgjidhja.
E në rast se, Irfani do fjalë të lirë dhe media të lirë, ta çojë televizionin dhe mediat e tij te pronat e tij dhe aty mund të vazhdojë ta shajë Ramën dhe qeverinë sa të dojë, megjithëse nuk ka për ta bërë kurrë se shumë shpejt do ta shikoni një lëpirës të pushtetit ashtu siç i lëpihet Erion Veliajt.
/CNA/
Discussion about this post