“Europa ka qenë ëndrra e gjyshit tim partizan, ëndrra e prindërve të mi dhe e prindërve të Edi Ramës, ëndrra ime dhe e djalit tim, por do të jetë e ardhmja e nipit tim që rri vetëm 100 metra prej këtu.”
Ky ishte një pjesë e fjalimit absurd të Mimi Kodhelit gjatë mitingut të djeshëm të Partisë Socialiste në Tiranë, ku duket se rilindasit nuk dinë se çfarë fjalë të përdorin për propagandë.
Së pari Europa nuk ka se si të ketë qenë ëndërr e asnjë partizani, e aq më tepër e gjyshit të Mimi Kodhelit, për shkak se historia e Bashkimit Europian fillon pas përfundimit të Luftës së Dytë Botërore, më konkretisht në vitin 1952 me themelimin e komunitetit të parë të madh ekonomik mbikombëtar evropian – Bashkësia Evropiane e Qymyrit dhe Çelikut.
Ndoshta ka harruar Kodheli se pas ardhjes në pushtet të diktatorit Hoxha, ata që ëndërruan për Europën përfunduan para togave të pushkatimit, varjes në litar dhe burgjeve famëkeqe të Shqipërisë së asaj kohe.
Së dyti, Bashkimi Europian nuk mund të ketë qenë ëndrra e komunistëve, siç përmendi Mimi Kodhelit të atin e Edi Ramës, Kristaq Rama.
Ky i fundit, si anëtar i Presidiumit të Kuvendit Popullor, ka firmosur, së bashku me Ramiz Alinë e anëtarët e tjerë, dënimin me varje në litar të poetit Havzi Nela në vitin 1988. Po ashtu, Kristaq Rama, është akuzuar si firmëtar edhe për dënimin me vdekje të Enver Osmanit një të riu nga Dibra.
Discussion about this post