Vilma Nushi njihet në Shqipëri si një nga biznesmenët që ka miqësi të ngushtë me qeverinë e Edi Ramës. Jo pak herë është denoncuar nga media dhe politika si një nga oligarket në vend, sidomos kur vjen puna në përfitimin e tenderëve të Shëndetësisë. Dhe jo më kot është një nga gratë më të pasura në vend, pasi përveç tenderëve me shifra të larta, Nushi po përpinë edhe ato tenderë me shifra që për të mund të jenë qesharake. Këtë na e tregojnë 3 tenderët që ka fituar kompania e saj nga Spitali i Sarandës.
Në datën 4 shkurt 2022, Spitali i Sarandës ka hapur tre procedura, për shërbime të thjeshta. I pari mban numrin e referencës REF-18599-02-03-2022 dhe ka fondin limit prej 25.057 lekë të reja, ose rreth 250 mijë lekë të vjetra. Tenderi i dytë mban numrin e referencës REF-18628-02-03-2022 dhe ka fondin limit prej 704 lekë të reja, ose 7 mijë lekë të vjetra. Dhe tenderi i tretë me numër reference REF-18664-02-03-2022 me fond limit prej 20.250 mijë lekë të reja ose rreth 203 mijë lekë të vjetra.
Në të tre këto procedura i ka fituar kompania Vilmës, “Trimed shpk” të cilën e ka kaluar në emër të nipit të saj Endrit Hido për të fituar tenderë publikë. Përveç tenderit të parë ku kompania tjetër garuese ka paraqitur ofertën më të lartë dhe është skualifikuar, në dy tenderët e tjerë kompania e Vilma Nushit ka qenë e vetme në garë dhe i ka fituar pa asnjë konkurrent tjetër. Pra, institucionet publike edhe procedura me shifra kaq të ulëta, nuk respektojnë rregullat normale të prokurimit vetëm e vetëm që t’u shërbejnë oligarkëve të qeverisë. Ky rast vërteton shprehjen se Oligarkia ia pinë gjakun taksave të qytetarëve deri në pikën e fundit.
Kujtojmë se Vilma Nushi e cila është akuzuar publikisht për koncesionet e Check Up dhe zhvatjen që i ka bërë parave me djersë të qytetarëve shqiptarë, ende nuk është vënë nën hetim nga SPAK.
Gijotina.com
Discussion about this post