Edhe Erion Veliaj po ecën nën shembullin e kryeministrit Edi Rama për të përjashtuar përfaqësuesit e opozitës. Ndërsa ky i fundit i përjashton nga Kuvendi, Veliaj tashmë ka vendosur t’i përjashtojë nga Këshilli Bashkiak.
Këtë e ka pësuar anëtari i këshillit bashkiak, Tedi Blushi për një arsye tepër të çuditshme, se i dhuroi para pak ditësh një palë pranga kryetarit të Bashkisë Erion Veliajt.
Këshilltari i PL në Këshillin bashkiak, Tedi Blushi, ka reaguar në lidhje me vendimin e marrë për përjashtimin e tij për dy muaj nga Këshilli.
Në fjalën e tij për mediat, Blushi u shpreh se ky ishte një vendim që synonte izolimin dhe heshtjen e opozitës.
Ai shtoi se me këtë vendim shkelen të drejtat e opozitës.
“Përjashtimi im 2 mujor nga Këshilli Bashkiak i Tiranës, vendimi është marrë si vendim nga Veliaj, sepse nuk do opozitë në këshillin e bashkisë. Shkelje flagrante e të drejtave të opozitës dhe përpjekje për t’i mbyllur gojën dhe për ta izoluar.
Dorëzimi i prangave live, ishte një akt simbolik për qindra familjarë të Tiranës. Akt simbolik për qindra persona me aftësi të kufizuar që kërkojnë pajisjen me ambiente zyre ku të mund të ushtrojnë aktivitetin e tyre”, tha ai.
Discussion about this post