Liderët e BE-së dhe pjesëmarrësit në Samitin e Procesit të Berlinit janë pritur me një shfaqje baleti në ambientet e Kryeministrisë, para nisjes së punimeve të Samitit.
Dy balerinët dhuruan një shfaqje të shkurtër për pjesëmarrësit që ndoqën nga afër pjesën e tyre.
Pas përfundimit të koreografisë, kryeministri Edi Rama u shpreh se kërkonte që të ndërthurte artin e baletit me atë të pikturës, e cila u zbulua nga balerinët.
Më pas ishte koreografi që bëri të mundur pjesën e baletit, i cili zbuloi se puna për mini-shfaqjen kishte nisur vetëm 24 orë më parë.
Ai tregoi se gjatë komunikimit me kryeministrin i ishte drejtuar duke thënë “Edi je i çmendur?!”, pasi sipas tij nuk mund të krijonte diçka të re me këtë limit kohor.
Megjithatë ai falënderoi kreun e qeverisë për mundësinë e dhënë, ndërsa pjesëmarrësit e Samitit vijuan me axhendën e tyre.
Discussion about this post