Në selinë e Partisë Demokratike sapo janë dorëzuar 4200 firmat e delegatëve, të grumbulluara nga “foltorja” e ish-kryeministrit Sali Berisha, me kërkesën për mbledhjen e Kuvendit Kombëtar të PD-së.Të pranishëm në dorëzimin e firmave ishin emra të PD-së si, Klevis Balliu, Albana Vokshi, Flamur Noka, Aldo Bumçi dhe Edmond Spaho, të cilët janë rreshtuar pranë Sali Berishës që në nisje të kësaj nisme.
Firmat u dorëzuar në zyrën e Edi Palokës, në funksionin e kryetarit të Këshillit Kombëtar të Partisë Demokratike.Deputeti Flamur Noka theksoi se kutitë po i dorëzohen Kuvendit ku dhe mund të verifikohen.Kuvendi Kombëtar pritet të mbahet më 11 dhjetor, që konsiston në ditën e themelimit të kësaj force politike.
Kryetari i Këshillit Kombëtar të Partisë Demokratike, Edi Paloka pas dorëzimit të firmave në zyrën e tij bëri një proncim për mediat ku theksoi se delegatët kanë ndjekur rrugën që statuti i partisë kërkon, ndaj do të zbatohet detyrimi për mbledhjen e Kuvendit siç është kërkuar.
Lidhur me verifikimin e firmave, Paloka bëri me dije se nuk ka asnjë institucion që merret me verifikimin e tyre, i vetmi që mund t’i verifikojë ëhstë vet Kuvendi.Paloka theksoi se do të ruhen të dhënat e e firmëtarëve, ndonëse kjo nuk para ndodh në Shqipëri, ndaj për këtë fakt firmat do të hapen dhe do të verifikohen një për një në ditën kur do të mbahet dhe Kuvendi Kombëtar.
“Mbrojtja e të dhënave personale është e drejtë e gjithsecilit. Këto formularë që do të qëndrojnë të mbyllur deri ditën e kuvendit ku do të bëhet verfkimi një për një i të gjithë mandateve që kanë firmosur. Unë jam një nga ata që nuk kam firmosur, por jam i detyruar të zbatoj kërkesën e më shumë se gjysmës së delegatëve që kanë firmosur për mbledhjen e Kuvendit. E drejta për të mbledhur Kuvendin është e delegatëve. Ne kemi detyrimin për të ndjekur procedurat dhe të sigurojmë që Kuvendi të shkojë sa më mirë. Organizatorët do të kenë edhe ftesa për delegatët që nuk kanë firmosur. Deputetët do të jenë të padiskutueshëm në Kuvend. Gjithsecili do të ketë të drejtë të verifikojë një nga një mandatet e delegatëve”.
Discussion about this post