Nuk i mjaftojnë 28 vatrat në Shqipëri, por Kryeministri Edi Rama ka publikuar një video nga zjarret masive që kanë pushtuar Greqinë. Dhe për të bërë “analizën” e situatës, pyet ChatGBT. Sigurisht që bën pyetje të gabuara dhe merr përgjigje të tilla. Ata që e kritikojnë janë gazetarë, politikanë, ekspertë, qytetarë dhe jo “piromanë verbalë” siç përpiqet të shpikë Edi Rama. Duke mos dashur të marrë përgjegjësinë publike, vazhdon të këmbëngulë në lojëra fjalësh, ndërsa zjarret janë aty.
Përmes kësaj videoje ai u drejtohet qytetarëve dhe kundërshtarëve politikë, të cilët shprehen se vendi ynë duhet të ketë avionë dhe të mos presin ndihmën nga fqinjët.
“Po e postoj për të gjithë ata që flasin nga urrejtja e pashërueshme apo edhe nga sekëlldia e mirëkuptueshme për avionë e për roje pylli, sepse ky vendi fqinj ka 77 avionë zjarrfikës e një historisë të gjatë lufte me zjarret, por lufta me zjarret në kushtet e ndryshimit të klimës është sot ku e ku më e komplikuar se sa duket, kur do të fajësosh qeverinë dhe bërtet pse s’ka avionë”, shkruan Rama.
“Nderkohe sipas ChatGBT:
Në terma mjekësorë, piromania (zjarrvënia) është një çrregullim i kontrollit të impulseve, ku personi ndien një shtysë të fortë për të ndezur zjarre dhe përjeton një ndjenjë kënaqësie ose çlirimi pas këtij veprimi. Një piroman është një person që, me dashje dhe shpesh për kënaqësi ose impulse personale, i vë zjarr ndërtesave, pyjeve, automjeteve apo pronave të tjera. Në shumicën e vendeve piromania trajtohet si një çrregullim psikologjik që shpesh kërkon trajtim, por edhe si një krim që ndëshkohet rëndë nga ligji.
E pyetur per piromaninë verbale ChatGBT shpjegon:
Piromani verbal është një individ që shfaq prirje sistematike për të gjeneruar tension, konflikt ose polarizim shoqëror përmes gjuhës së folur apo të shkruar, shpesh me qëllim përfitimi politik, mediatik ose personal. Ai përdor deklarata të ngarkuara emocionalisht, insinuata, dhe narrativa konspirative si “stimulus ndezës”, duke shkaktuar reaksione të forta në publik. Ky fenomen mund të shihet si një variant metaforik i piromanisë klasike, ku objekti i shkatërrimit nuk është materiali fizik, por kapitali social dhe besimi publik. Në rastin specifik të akuzave për zjarret, piromani verbal instrumentalizon fatkeqësitë natyrore si “material djegës” diskursiv, duke krijuar një klimë mosbesimi dhe histerie kolektive, pavarësisht mungesës së provave faktike.
Ruhuni nga piromanët verbalë të këtij vendi, humbësa kronikë që nuk kanë asgjë më për të humbur”, shkruan Rama.
Sa harxhon kohën me sofizma djallëzore, kryeministri do të bënte mirë mësonte pak logjikë dhe aritmetikë. Sipas shkencës së logjikës, premisat e gabura të çojnë në përfundime të pasakta! Sipas aritmetikës, krahasimi i sipërfaqeve të djegura në raport me totalin e sipërfaqes së shtetit, mund të ndihmojë për krahasimin real me Greqinë!
gijotina.com/
Discussion about this post