Kryeministri Edi Rama ka treguar se çfarë bisedoi më të Dërguarin e Posaçëm për Ballkanin Perëndimor, Gabriel Escobar, në takimin që zhvilluan ditën e sotme. Përmes një postimi në Facebook ku publikon pamje përkrah Escobar, Rama shprehet se fokusi i bisedave ishte te partneriteti që do të vazhdojë mes SHBA dhe Shqipërisë. Sipas Ramës, Escobar ka diskutuar me të edhe për rolin që ka vendin ynë në rajon, madje edhe për nismën ‘Open Balkan’.
“Kënaqësi të mikprisja Zëvendës Ndihmës Sekretarin e Shtetit dhe të Dërguarin e Posaçëm për Ballkanin Perëndimor, Gabriel Escobar, në një takim shumë miqësor, ku folëm për partneritetin e shkëlqyer mes Shqipërisë e SHBA, rolin e rëndësishëm të Shqipërisë në rajon, dialogun e domosdoshëm mes Kosovës e Serbisë dhe Ballkanin e Hapur, si një nismë transformuese për ardhmërinë e rajonit, të cilën administrata e Presidentit Joe Biden e mbështet fuqimisht”, shkruan Rama. Kujtojmë se Escobar ka mbërritur sot paradite në Shqipëri dhe pas disa takimesh në bazë të agjendës së tij, e mbylli vizitën me një takim me kryeministrin tonë.
Discussion about this post