Vesel Limaj është një nga lojtarët më të mirë dhe më vendimtar te skuadra e Tiranës. Mesfushori bardheblu mësohet se është duke u ndjekur me vëmendje nga trajneri i Kombëtares shqiptare, Edoardo Reja.
Forma e mirë dhe saktësia që ka treguar në momentet më vendimtare të ‘Bardhebluve’, kanë bërë që tekniku i përfaqësueses ‘Kuqezi’ ta ndjekë me kujdes Limajn dhe nuk do të ishte habi nëse do të grumbullohej që në kualifikueset e nëntorit për Botërorin ‘Qatar 2022’ .
Ish-kapiteni i Kukësit u bashkua gjatë merkatos së kësaj vere me kryeqytetasit dhe në gjashtë ndeshje ka shënuar tre gola.
Më parë ai ka luajtur edhe në kampionate të huaja siç është ekipi i dytë i Hamburgut në Gjermani. Teksa ditën e djeshme ishte ekzekutuesi i penalltinë në derbin me Partizanin, duke i dhënë kështu ekipit të tij fitoren 1 me 0./K.T/Gijotina.com
